Barista olmaq istiyirəm
#isdiyirəm ki, Bakıda kofe-şopların birində barista olum, səhərdən axşamacan camaata kofe hazırlayım
Getcontact-da da kimsə adımı “Vüsal qəhvə“ qoysun, dostlarım da həmişə buna görə mənimlə məzələnsinlər.
Evə gələndə, kimsə məni görəndə də desin ki, “ay da, səndən nə qəşəng kofe iyi gəlir“? Amma özüm bütün günü kofenin içində olsam da, axşam evə gələndə adi qara çay içim.
Öz işimdən də zövq alım, kofe almağa gələn qəşəng qızlara gülüm, onlar da həmişə mənə xoş baxışlarla baxsınlar. Nədənsə qızlar baristalara həmişə yaxın adam kimi baxırlar.
Ayda 1 dəfə də ilk dəfə görüşən, ya da hələ təzə-təzə tanış olan oğlanla qız görəndə isə kofenin üstündə süddən ürək şəkli düzəldim. Ödənişi edəndə də oğlan həmişə mənə baxıb diliylə olmasa da, baxışlarıyla “sağ ol, ay brat” desin.
Ümumiyyətlə, insanlara pozitiv hiss verim, onları sevindirim. Daimi, standart müştərilərimi görəndə hal-əhval edim.
Hər iş günü saat 10.30-da gəlib kappuçino istəyən kostyumlu 45 yaşlı biznesmen (içimdəki səs deyir ki, bu dayı biznesmendir) müştərimə deyim ki, “məllim, həmişəki kimi? “. O da özündənrazı hazıda başını tərpətsin, mənim ona bu sualımı verməyindən xoşhallansın.
Müəllif
Tural Karimov
Azərbaycanda rəqəmsal marketinqin ağsaqqallarından biri kimi tanınan Tural aka digitur.
#istiyirəmki , Bakıda ən yaxşı, reytinqi 5.0 olan taksi sürücüsü olum. Kart olsun, ya nağd, heç bir fərqi yoxdur. Onsuz da qazandığımı qazanıram. Sərnişin girən kimi təyinatı dəqiqləşdirim. “Koroğlu metrosuna gedirik, xanım?” sualını veririm. Çünki çox vaxt planının xəritədə vurduğu lokasiyaya uyğun olaraq fərqli olur. Maşını xoddayandan sonra sakit səslə klassik mahnılarımızdan qoyum. “Kimlər gəldi, kimlər gedi bu dünyadan“, “Sən...
İsdiyirəm ki, Bakıda maklerlərin alıb-satdığı evlərin çoxunun remontunu edən interyer dizayneri Sabir olum. Binalarda oboyları, mətbəx mebeli eyni olan, bir-birinə oxşayan həmin evlərini proyoektini mən verim. Hər evə durub ayrıca getməyə, hərəsi üçün ayrıca özəl dizayn etməyə nə həvəsim, nə də vaxtım olsun. Ona görə də Yeni Yasamaldakı ev üçün etdiyim proyektin bir az böyür-başını dəyişib Qarayevdəkinə tətbiq edim. Əsas...
İstiyirəm ki, ölkədə böyük şirkətlərin birində işəqəbul şöbəsində HR-menecer olum. Adım Gülnarə olsa da, ofisdə çoxları mənə Gülya xanım desin. Əslində vəzifəmin adı “işəqəbul şöbəsinin meneceri” getsin, necə deyərlər rekrutyor. Amma hamı məni elə “Eyç-ar Gülya” kimi tanısın. Özüm də hər üç dili yaxşı bilim. Amma öz şöbəmiz daxilində, dost-tanışla daha çox rusca danışım. Nu, tak slojilos, çto bizim kruqumuzda...
