Kanalizasiya ustası olmaq istəyirəm
#isdiyirəm ki, 37 yaşlı, evində 2 uşağı olan kanalizasiya ustası Ziyəddin olum. Həmişə də zarafatla deyim ki, pulum poxdan çıxır.
Həmişə də arzu edim ki, Bakıda qar-yağış yağmasın. Onlar olanda işim həmişə çox olur, icra hakimiyyətindən tutmuş yol polisinə qədər hamı bizim idarəni yığır.
Novostroykaları da bəyənməyim, deyim ki, ən yaxşısı həyət evidir.
Ən çox da məni köhnə 9-mərtəbəli sovet evlərinin aşağı mərtəbəsində yaşayanlar çağırsın. Hamı da zəng edəndə ilk sözləri “Usta, sən allah, …” sözü olsun. “Usta, sən allah, bir az tez gəl, evi bütün su apardı”, “Usta sən allah, o işini yarımçıq qoy, tez gəl bizim evi həll elə”.
Xüsusən də xanımlar zəng edəndə özümü lap supermen kimi hiss edim. Bütün problemləri həll edən, hamının ümi yeri olan o qəhrəman mən olum.
Özümə də həmişə bahalı ətir arzulayım. Ürəyimdə tutum ki, kaş məndən də Teymur Əliyevdə o villanın yiyəsindəki ətir qoxusu gələrdi. Amma heç vaxt da bahalı ətirim olmasın. Çünki, özüm də başa düşürəm ki, mənim peşəmlə bahalı duxu uyuşmaz, mən elə ucuzvari odekolonlar, uzaqbaşı qramla ucuz parfüm yağları özümə çatdıra bilərəm.
Evlərdə kanalizasiya borusunu düzəldəndən sonra da deyim ki, amma sizin su sisteminiz pis gündədir, mütləq yaxşı santexnik lazımdır sizə. Eyni kənddən olan, uzaq qohumluğum düşən Vəfadarı həmişə məsləhət görüm.
Borc pul istəyəndə Vəfadar imtina edəndə də, telefonu yerə qoyub onu söyüm. O qədər kliyent vermişəm, çörəkpulu qazandırmışam, bu da Vəfadarın sağolu.
Həyatda ən böyük düşmənim də işlənmiş prezervativləri unitaza atan adamlar olsun. Getdiyim evlərdə kişilər (yanında qadın olmayanda) deyim ki, qardaş, mədəniyyət başqa şeydir, o vilka-bıçaqla ölçülmür, gərək qanacaq olsun. Bu zibili başqa yerə atın da, gərək imennoy unitaza atasınız?
Müəllif
Tural Karimov
Azərbaycanda rəqəmsal marketinqin ağsaqqallarından biri kimi tanınan Tural aka digitur.
#istiyirəmki , Bakıda ən yaxşı, reytinqi 5.0 olan taksi sürücüsü olum. Kart olsun, ya nağd, heç bir fərqi yoxdur. Onsuz da qazandığımı qazanıram. Sərnişin girən kimi təyinatı dəqiqləşdirim. “Koroğlu metrosuna gedirik, xanım?” sualını veririm. Çünki çox vaxt planının xəritədə vurduğu lokasiyaya uyğun olaraq fərqli olur. Maşını xoddayandan sonra sakit səslə klassik mahnılarımızdan qoyum. “Kimlər gəldi, kimlər gedi bu dünyadan“, “Sən...
İsdiyirəm ki, Bakıda maklerlərin alıb-satdığı evlərin çoxunun remontunu edən interyer dizayneri Sabir olum. Binalarda oboyları, mətbəx mebeli eyni olan, bir-birinə oxşayan həmin evlərini proyoektini mən verim. Hər evə durub ayrıca getməyə, hərəsi üçün ayrıca özəl dizayn etməyə nə həvəsim, nə də vaxtım olsun. Ona görə də Yeni Yasamaldakı ev üçün etdiyim proyektin bir az böyür-başını dəyişib Qarayevdəkinə tətbiq edim. Əsas...
#isdiyirəm ki, Bakıda kofe-şopların birində barista olum, səhərdən axşamacan camaata kofe hazırlayım Getcontact-da da kimsə adımı “Vüsal qəhvə“ qoysun, dostlarım da həmişə buna görə mənimlə məzələnsinlər. Evə gələndə, kimsə məni görəndə də desin ki, “ay da, səndən nə qəşəng kofe iyi gəlir“? Amma özüm bütün günü kofenin içində olsam da, axşam evə gələndə adi qara çay içim. Öz işimdən də...
