Avtobusda gedəndə bir kadr

media-1-33
#İstəyirəm karantindən sonra 25 yaşlı, kooperasiya universitetinin heç yerdə iş tapılmayan fakültələrindən birini (261 balla) bitirən, çeşka həvəskarı, 50 dərəcə isti olsa da başındakı açkini gözünə taxmayan, özünü intellektual və mədəni göstərməyə çalışsa da tez yaxınlıq edib altın vuran, əynində “polo”dan qara köynək, cins şalvar, qara makasin, qolunda heç bir tarixçəsi olmayan gümüş sep olan, istədiyi qızın adını telefona “Sevka ürək” yazan, “narkotik” ətri vuran, uşaqlıq dostlarının Fedya dediyi dəli Qalatasaray fanatı Fərid olum.
İnqilabda əmimin qapı-pəncərə dükanında işdən çıxıb təmir üçün ustaya verdiyim maşınıma baxmağa gedim. 13 nömrəli avtobusa minim. Orta qapının qabağında durub pəncərə tərəfdə oturan bir qızı olmayan yaraşığımla əsarətim altına alım. Avtobus 1 dəqiqədən bir sərt tormoz versin. Camaat cana yığılan anda bidənə də babat tormozdan sonra sürücüdən 2 oturacaq arxada əyləşən 50 yaşlı Hətəm dayı yüksək səslə desin ki, ay qardaş yavaş da bir az. Bundan ilhamlanan 32 yaşlı əlində yaşıl, yekə, üstündə qız şəkli kulok olan Mərdan o möhtəşəm cümləni desin “elə bil kartof daşıyır” və nəhayət qapı tərəfdə əyləşən Sədaqət xala hökumətin yollarından şikəyət edə-edə bazarda çiyələyin qiymətinin baha olduğunu qeyd edib, qəfil avtobusda 2 dəqiqə qabaq tanış olduğu yaşıdı Münəvvər xalaya gəlininin necə dadlı bəhməz bişirdiyini desin.
Mən də bayaqkı qıza baxıb gülümsəyərək “bunlar şəhər zad görmüyüblər, mən müasir adamam” mesajı verim. Qız da yüngül qımışma ilə qarşılıq versin. Şalvarımın sol tərəfindən asdığım maşının açarını göstərmək üçün bir az sağa fırlanıb qızın gözlərinin içinə baxıb baxışımnan deyim ki
“Allah haqqı maşın ustadadı.”

Bənzər Məqalələr

İsdiyirəm ki, Bakıda maklerlərin alıb-satdığı evlərin çoxunun remontunu edən interyer dizayneri Sabir olum. Binalarda oboyları, mətbəx mebeli eyni olan,  bir-birinə oxşayan həmin evlərini proyoektini mən verim. Hər evə durub ayrıca getməyə, hərəsi üçün ayrıca özəl dizayn etməyə nə həvəsim, nə də vaxtım olsun. Ona görə də Yeni Yasamaldakı ev üçün etdiyim proyektin bir az böyür-başını dəyişib Qarayevdəkinə tətbiq edim. Əsas...
media-interyer-dizayner

Əri Şaban hamamda çiməndə telefonu jurnalnı stolun üstündəydi. “Görüm keçən dəfə rayonda dincələndəki şəkildə necə düşmüşəm? “ fikriylə Şabanın smartfonunu açdı. Pin-kod həmişə eyni idi, Şabanın uzun illərdir işlədiyi dövlət idarəsinə girdiyi il. Şəkilə baxdı, doğurdan da Şəkidə qəşəng dincəlmişdilər. Elə bil daxildə hansısa qüvvə ona dedi ki, bir Votsappa da gir. İş yoldaşlarının, qohumlarının çoxuyla yazışırdı, hamısını da yaxından...
media-1-60

Doğulanda hamının “bu nə toppuş baladı belə” dediyi, məktəbdə qızların arasında ən çirkin olan, 4-cü sinifdən etibarən evdə toyuqların başını kəsmək işini boynuna götürən, 7-ci sinifdən qurbanlıq qoyun kəsiləndə atasına kömək edən, sinfin oğlanlarının qol güləşində biləyini sıxan, heç kimə pislik etməyən, həm oğlanların, həm də qızların dostu olan, ona “hozu” deyiləndə inciməyən, anasının “görəsən bu qızı böyüyəndə kim alacaq?”...
media-dilare