Mehman dayının telefonu köhnəlib

Belə havalarda məhəllələrin birində adının ikinci hərfi ilə sonuncu hərfi qopmuş, qapısında saralmış “Kontur Var” yazısı olan Vüsal marketin qabağında 92ci ilin mersedesi hər iki qabaq qapısı açıq vəziyyətdə dayanır. Maşınının üstündə taksi nişanı olmasa da bütün məhəllənin taksi olaraq qəbul etdiyi, ona dərd danışanlara hər iki qızını karantindən qabaq gəlin köçürdüyünü deyib, bəxti gətirdiyini gözə soxan, yuxarılarda qohumu olsa da ona ağız açmayan, sovetin dövründə iki universitet bitirən, elmə məlum olmayan qalın siqaret çəkən 66 yaşlı Mehman dayı əlində əski bir ayağını təkərə vura-vura deyinir.

Bu momennt marketdə işləyən Orxan içəridə dənə ilə satdığı siqaretdən birini götürüb marketin içində yandırıb çıxıb qapıda dayanıb dillənir ki, Mehman əmi bu letniy təkərləri dəyişmək fikrün yoxdu? Mehman da maşının o biri tərəfinə keçər ayaq cavab verir ki, mən Bakıda keçəl təkərlə cavanlıq eləyəndə sən hardaydın e.

Elə o dəqiqə Mehmana zəng gəlir, tez qaçır maşında şitin üstündəki açkisini götürüb, axşamlar 1 yaşlı nəvəsinin ağzına salmaqdan qıraqları yeyildiyi telefonu üstünə silib, ekrana baxır. Zəng dayanır mehman kişi çatdırmır götürməyə. Başını qaldırır oğlandan telefon haqda nəsə soruşsun görür oğlan qayıdıb kassaya. Gözü o biri blokda qalan, atasınln qorxusundan gecə evə gələndə siqareti blokda gizlədən, univeristetə girsə də söz verilən maşını alınmayan, özü universitetdə salamlaşdığı hər qıza bəlkə kinoya baxaq təklifini etsə də, hamıdan gizlətdiyi sevgilisinə vhatsapda şəkil qoymağa icazə verməyən Emilə sataşır. Mehman Emilin adını dəqiq bilmədiyi üçün əlini qaldırıb mənə bax deyərək çağırır, telefonunu ona uzadır ki, bunun ekranının işığını artır görmürəm. Emil baxır ki, ekranın işığı tamdı telefon köhnəlib, deyir ki, Mehman əmi bunun ekranı xarabdı sən təzəsini al bi dənə. Mehman deyir, nə təzəsi ver bura düzəltdirərəm.

Mehmanın bunun blutuzu da var iddialarına baxmayaraq Emil güc bəla ilə başa salır ki, bu telefon çox köhnədir, buna ekran tapılmaz indi, zavod daha buraxmır bundan. Mehman çarəsizcə batareykası çıxıb-girən telefonu əlində tutub deyir hardan alım təzəsini baha olar birdən.

Emil də öz cibindən atasına kreditini ödətdirdiyi telefonu çıxardıb nəyəsə baxıb deyir ki, Mehman əmi üzbəüz qırmızı yer var e “Kontakt Home” yazılan, sabah ayın 11-idir də, hə, get ora, axşam 9-dan 12-yə kimi -60%-dək ENDİRİMİ olan AXŞAM BAZARI kampaniyası var! Seç ürəyin nə istəyir al da, belə taksi adamsan birdən o vaxtı başqa yerdə olsan, hökman deyil bura qayıdasan. Xalqlar dostluğunda, Bakıxanovda, İnşaatçılarda, Azadlıq metrosunda, Xırdalanda, Sumqayıtda, lap Gəncədə də olsan, ordakı filiala yaxınlaş al. Mən tələsirəm, getməliyəm deyən Emil, dalıyca gəlmiş içində 5 nəfər olan maşına güclə sığışıb gedir. Bu moment Mehmanın telefonuna ev kontaktından “Геленде чорек ал ики дене” mesajı gəlir.