Nigar və Orxanın görüşü
İndi #hardasa Nigar adında bir qız sevgilisi Orxanla görüşmək üçün evdən çıxmağa hazırlaşır. Orxan da gedib məhlə uşağı Fuadın iş yerinə ki borca pul götürsün. Nigara da deyir ki, papa iş dalınca göndərib. Orxan yığır dostu Elnuru deyir ki, Mehmangilin abyektində otursam qızla maksimum nə qədər şot gələr? Elnur da deyir özün öldürə 20 manat, sən get, mən Mehmanı yığıb deyərəm.
Bunlar sahildə görüşüb gəzə-gəzə düşürlər tarqovıya. Qabaqlarına dilənçi çıxıb Orxana deyir sən o yanındakı gözəl qızın canı mənə nəzir ver. Bu da qayıdır ki, bunun nəyi gözəldi (gülüşürlər). Hərəsi 10 qəpik çıxarıb verir dilənçiyə.
McDonaldsın qabağından keçəndə qaqaşın gözü sataşır sarışın hündür bir qıza. Nigar bunu görür deyir ki, Orxan get gir ağzına. Bu da deyir, çörəyaqqı sinif yoldaşım var idi Nəzakət ona oxşatdım. Nigar da qayıdır ki, sənə hədiyyə almışdım day qaldı. Orxan deyir sənin adının baş hərflərindən şer yazmışam qoy oxuyum:
Nə qədər gözəlsən sevgilim mənim
İnana bilmirem bu gözəlliyə
Get qonağım olsun qoy ölüm mənim
Artıq həyat dəymir bircə qəpiyə
Razılaş sevgilim, sevirsen meni..
Qız yumşalır şerdən sonra. Selfie edirlər, qız qoyur vatsapda profilinə statusa da belə yazır: Gəl dəyişək birşeylərimizi … Məsələn gülüşündən ver ömrümdən al.
Sonra da əl-ələ tutub gedirlər Mehmangilin abyektinə…
Müəllif
KarimAbi
Meyxana ustadı, qəzəlxan, şair, sözbaz Kərim
“Yoo, mamaya 100% nəsə olub, bugün elə bil dəyişib” deyə fikirləşən Vüsalə soruşdu ki, mama, bugün bizə Yəmən xala gələcək? – Yox, Yəmən 3 ay əvvəlki söhbətdən sonra küsüb məndən guya. Kimdir bizə gələn? Buranın qapısını tanıyan var ki? – deyə 45 yaşlı Nəcibə duxovkaya ciyərləri qoymağa başladı, kartoşka qızartmasının üstünə kəkotu, ədviyyatlar yaxşı yapışmışdı. Əri 10 il bundan qabaq...
Belə havalarda bir xeyli vaxtdır ki, görüşməyən call-center operatoru Cavidan və Kooperasiyanın 3-cü kurs tələbəsi Şahnaz nəhayət ki, “Soyuq əllər, İsti ürəklər” yarmarkasına getmək üçün Torqovlikə gəlmək istəyirlər. Nərimanov metrosundan adi vaxtı 15 dəqiqəlik olan yolu, hər şeydən narazı olan Prius sürücüsünün deyingən səsinin altında 1 saat 10 dəqiqəyə gəlirlər. Fəvvarələr meydanında izdihamın içində bir az da əzilən Cavidan bu...
İndi hardasa14 fevrala hazırlaşdığı üçün Instagramda bütün hədiyyə səhifələrini alt-üst edən 24 yaşlı, papasının tapşırdığı işdə maaşdan maaşa görünən, həyatda ən böyük uğuru Fənərbahçənin oyununa stadiondan baxmaq olaq, hələ də ordan şəkillərini paylaşan, Kia optima sürən Cəmil variant axtarır. Hədiyyə səhifələrinə “bu necyedir?” yazır, “direktdə məlumat verildi” cavabını alandan sonra, 79 manata kinder sürpriz qutusu satan səhifəni görüb “mən size...
