Chat saytları olan vaxtlar

O vaxtlar çat saytları olurdu. Çatın әn birinci bölümündə çat+tanışlıq yazılırdı, guya ki, çatda hal hazırda 1359 nәfәr online var. 1100 oğlan, 259 qız. Tez basırdın 259-un üstünə net gedirdi. Açılanda görürdün 150 oldu qız sayı.

Rәngli niki olanı imkanlı adam sayardıq. Təzə nik açan girib yazırdı, “Mən təzəyəm hər kəsə salam.”

Dini otağın userləri yığışıb uşaq evinə getmək istəyirdilər həmişə, ancaq heç vaxt getmirdilər.

Sonra gizli otaqlar olurdu, otaqlar kodla olduğu üçün girmәk olmurdu, ancaq kodu qoyan vә dәvәt etdiyi adam bilirdi.
Otağa girmәk olmasa da, çöldәn bilmәk olurdu içәridә kimlәr var.
Gizli otaqdakı oğlanın inboxuna çatda tanış olduğu Wolf niki yazırdı ki, dvijuxadır brat?

Sonra Ağstafaneç niki girib dayanmadan “Sabina mesaja bax” yazırdı. Flood edirdi. Ban alırdı. Tәzә nik açırdı. Tәzәdәn gәlirdi. Bәs mәnәm Ağstafaneç mәni ban edәnin var yoxunu … nömrәmi yığın. Biri də yazırdı ki, admin bu xiyara ip ban vur, təzə niklə girə bilməsin.

Princessa lәqәbi mütlәq idi, heç kimlә yazışmazdı, adminin qızı idi deyә, rәngli nik, bal, post hәr şey var idi. Mesaj qutusu da partlayırdı.

Biri yazırdı ki, uşaqlar keşlədən kim varsa kewleliler. wen. ru ya gəlsin, indi gələnə rəngli nik veriləcək. Sonra admin yazırdı ki, ailәsinә, şәxsiyyәtinә mәnliyinә hörmәt edәn reklam elәmәsin.

Hәr gün biri “daha bura girmeyecem dosiler, ozunuze yaxshi baxin” yazardi ki, görsün kim bunu axtarır.

Adminin profilinә baxırdın. “Super Admin. 999999 bal, 99999 post.” Adminin haqqında bölmәsindә “Bal post verilmir, üz vurmayın! Kimin sözü var 055 326 97 xx”